‘राष्ट्रवादी युवक काँग्रेस’च्या जिल्हा उपाध्यक्षपदी अमित ऐवळे यांची निवड

प्रगल्भनायक न्यूज नेटवर्क /आटपाडी:
सांगली जिल्हा राष्ट्रवादी युवक काँग्रेस पार्टीच्या उपाध्यक्षपदी अमित किसन ऐवळे यांची निवड करण्यात आली आहे.सांगली जिल्हा राष्ट्रवादी काँग्रेस पार्टीचे अध्यक्ष अविनाश पाटील यांनी या निवडीचे पत्र दिले आहे.
राष्ट्रवादी काँग्रेस पार्टीचे प्रदेशाध्यक्ष व राज्याचे जलसंपदामंत्री जयंतराव पाटील यांच्या मान्यतेने आटपाडी तालुक्यातील अमित किसन ऐवळे यांची सांगली जिल्हा राष्ट्रवादी युवक काँग्रेस पार्टीच्या उपाध्यक्षपदी नियुक्ती करण्यात आली आहे.राष्ट्रवादी काँग्रेस पार्टीचे सांगली जिल्हाध्यक्ष अविनाश दिनकरराव पाटील यांनी 26 जानेवारी रोजी याबाबतचे नियुक्तीपत्र दिले आहे.पक्ष बळकटीकरणासाठी व मजबूत करण्यासाठी तसेच पक्षाची ध्येयधोरणे सर्वसामान्यांपर्यंत पोहोचवण्यासाठी,पक्षवाढीसाठी कार्यरत राहण्याबाबत विश्वास व्यक्त केला आहे.दरम्यान या निवडीमुळे त्यांचे सर्वत्र अभिनंदन होत आहे.