खलाटी येथे आंतरशालेय क्रीडा महोत्सव संपन्न

अनिल मदने
प्रगल्भनायक न्यूज नेटवर्क / जत :
श्री लक्ष्मीदेवी माध्यमिक विद्यालय खलाटी येथे आंतरशालेय क्रीडा स्पर्धा उत्साहात पार पडल्या.
बीआरसीचे तज्ञ मार्गदर्शक सुरेंद्र सरनाईक यांच्या हस्ते स्पर्धेचे उद्घाटन करण्यात आले.विद्यार्थ्यांचा बौद्धिक विकासाबरोबरच शारीरिक व मानसिक विकास झाला पाहिजे, त्यासाठी खेळ अत्यावश्यक आहे. खेळामुळे मुलांमध्ये नेतृत्व गुण वाढीस लागतात, असे सुरेंद्र सरनाईक यांनी बोलताना सांगितले .
यावेळी खो-खो, कबड्डी, थाळीफेक ,गोळाफेक ,धावणे व मैदानी स्पर्धेत मुलांनी भाग घेऊन स्पर्धेत उत्साह निर्माण केला.यावेळी रांगोळी स्पर्धा घेण्यात आली.स्पर्धेचे नियोजन व संयोजन क्रीडा विभाग प्रमुख एस.एच.ओलेकर , पी.के.लवटे,गुळदगडे, अंबारी व्ही.आर. ,काशीराम कुंभार, व पिंटू खोत यांनी केले.मुख्याध्यापक एस. आर. सर्जे यांनी मार्गदर्शन केले.