आटपाडी पं.स.येथे कोरोना नियंत्रण कक्षाची स्थापना

प्रगल्भनायक न्यूज नेटवर्क/ आटपाडी:
आटपाडी पंचायत समिती येथे कोरोना नियंत्रण कक्षाची स्थापना करण्यात आली.त्यांचे उद्घाटन पंचायत समितीच्या सभापती सौ. पुष्पाताई जयवंत (भाऊ) सरगर व आटपाडीचे तहसीलदार सचिन मुळीक यांच्या हस्ते करण्यात आले .
हा कक्ष आपत्ती व्यवस्थापन समितीसाठी दररोज 24 तास खुला राहील .आपत्ती व्यवस्थापन नियंत्रण कक्षाचा क्रमांक 02343-221717 असा आहे. या क्रमांकावर आटपाडी तालुक्यातील नागरिकांनी कोरोना संसर्गविषयी कोणत्याही अडचणी असल्यास संपर्क साधावा असे आवाहन करण्यात आले आहे.
यावेळी सहाय्यक गटविकास अधिकारी सचिन भोसले, भाजपा नेते जयवंतराव सरगर व तालुका आरोग्य अधिकारी सौ. साधना पवार उपस्थित होते.
आटपाडी तालुक्यातील नागरिकांनी या क्रमांकावर संपर्क साधून माहिती घ्यावी असे आवाहन नूतन सभापती सौ.पुष्पाताई जयवंत (भाऊ) सरगर यांनी केले.