शमनजी कृषी महाविद्यालयाच्या कृषिदूताकडून उमदी येथे कीड नियंत्रण प्रात्यक्षिक

अनिल मदने
जत/प्रतिनिधी:
नेसरीच्या रोशनबी शमनजी कृषी महाविद्यालयाच्या कु.श्रीशैल अभिमन्या लोणी या कृषीदूताने ग्रामीण कृषी जागृकता व औद्योगिक प्रशिक्षण कार्यक्रमांतर्गत उमदी येथे नैसर्गिकरीत्या कीड नियंत्रण कसे करावे,याबाबत प्रात्यक्षिक घेण्यात आले.
सुरुवातीला सर्व उपस्थित शेतकऱ्यांचे स्वागत व प्रास्ताविक कु. श्रीशैल अभिमन्या लोणी यांनी केले .त्यानंतर कीड नियंत्रण करताना कोणकोणते ट्रॅप्स व ल्युअस वापरतात.तसेच वापरण्याची पद्धती यांचे संपूर्ण प्रात्यक्षिक करुन दाखवले.एकरी प्रमाण व ल्युअर बदलण्याचा कालावधी हे सर्व शेतकऱ्यांना सांगितले. तसेच हे प्रात्यक्षिक करत असताना शेतकऱ्यांना पडलेल्या प्रश्नांचे निरसन कु. श्रीशैल अभिमन्या लोणी या कृषीदूताने केले. हे प्रात्यक्षिक covid-19 च्या सर्व नियमांचे पालन करुन पार पाडले .प्रात्यक्षिक पूर्ण करण्यासाठी कृषी महाविद्यालयाच्या प्राचार्या डॉ. आर. बी. बिरादार , समन्वय प्रा .एम. डी. माळी, कार्यक्रम अधिकारी प्रा. बी. बी. कडपे , विषय प्रमुख प्रा. एल. कोरवर यांचे मार्गदर्शन लाभले.