जयंतराव पाटील यांनी आटपाडी तालुक्याचे मसिहा बनावे: सादिक खाटीक

प्रगल्भनायक न्यूज नेटवर्क/आटपाडी :
कृष्णाईचे पाणी दुष्काळी तालुक्यात आणून भगिरथाचे काम करणाऱ्या जलसंपदा मंत्री जयंतराव पाटील यांनी आटपाडी तालुक्यात विकासाची गंगा साकारत या भागाचे मसिहा बनावे अशी अपेक्षा राष्ट्रवादीचे प्रदेश कार्यकारणी सदस्य सादिक खाटीक यांनी केली आहे.
आटपाडी तालुक्याच्या विकासाच्या अनुषंगाने सादिक खाटीक यांनी विविध दैनिकांशी बोलताना ही भावना व्यक्त केली.
टेंभूच्या पाण्याने या मतदार संघात शेती उद्योग व्यवसायाला मोठी चालना मिळू लागली असून मोठ्या प्रमाणात उत्पादन होवू लागलेल्या उसासाठी या भागातल्या साखर कारखानदारीला उर्जितावस्था दिली जाणे महत्वाचे आहे . बंदिस्त पाईपलाईनचे जाळे सर्वत्र पोहचू लागले असले तरी पोट पाईप लाईनची कामे तातडीने पूर्णत्वास जाणे महत्वाचे आहे . डाळींब, द्राक्षे अशा विविध फळ पिके यासाठीची कारखानदारी, विविध फळांवर संशोधन करणारे केंद्र आटपाडीत आणणे महतवाचे ठरणार आहे . प्रचंड पिकवल्या जाणाऱ्या कपाशीला स्थैर्य देईल असे कापड निर्मितीची युनिट, उच्च दर्जाचा भाजीपाला, धान्य, कडधान्ये यांच्या एक्सोर्ट साठीच्या व्यवस्था, उत्तम दर्जाच्या मटनासाठी प्रसिद्ध असणाऱ्या बोकडे, बकरे, शेळ्या, मेंढ्या यांच्या वर उद्योगांची उभारणी करणे , बोकड – बकरे यांच्या एक्स्पोर्ट क्वालीटीच्या मटना साठी कारखानदारी निर्माण करणे , तसेच चपळ, देखणे ,जातीवंत आणि प्रचंड कामाच्या खिलार बैल, खोंड , गाई , म्हैशी यांच्या संवर्धना साठी मोठे प्रयत्न करण्या बरोबर हे लाख मोलाचे पशुधन जतन करण्यासाठी पशुपालकांना विशेष योजनांद्वारे आधार देणे महत्वाचे ठरणार आहे . तालुक्यातल्या प्रत्येक गावात गोशाळा उभारून गाई चे दुधापासून बनणारी उत्पादने निर्माण करणे, गाईचे शेण , गोमुत्र यापासून बनणारे देशी प्रॉडक्ट निर्माण करून या व्यवसायाला अच्छे दिन आणल्यास प्रत्येक गाव, खेडे आर्थिक दृष्ट्या संपन्न व आरोग्य दायक बनु शकेल . शिवाय खिलार गोवंशाचे उत्तम संवर्धन होऊ शकेल . भारतभर प्रसिद्ध असलेल्या स्वतंत्रपूरच्या कैद्यांच्या वसाहतीत महिलां कैदया साठीची स्वतंत्र वसाहत आणि बाल गुन्हेगारांवर संस्कार करणारे संस्कार केंद्र उभारणे संयुक्तीक होणार आहे . आटपाडी शहरा लगत २००० एकर जमिन अधिग्रहण करून त्यांचा मोठा मोबदला जमिन मालकांना आधी देत मोठी औद्योगिक वसाहत उभी करण्या बरोबरच शेकडो उद्योग व्यवसाय, आणि वेग वेगळया कारखानदारी साठी पालकमंत्री जयंतराव पाटील हेच मसिहा ठरू शकतात . तालुक्यातल्या तीर्थ क्षेत्र विकासा बरोबर ३ टीएमसी क्षमतेचे १५० वर्षा पूर्वीचे राजेवाडी आणि बुद्धिहाळ तलावांचे पुर्नरुज्जीवन केले जाणे महत्वाचे ठरणार आहे . यातील गाळ काढणे, कॅनॉल, सांडवे, मुख्य धरणाची भिंत पुन्हा मजबूत केल्यास ही भांडी ६ टीएमसी पाणी साठवून ठेवण्यास उपयोगी होतील . देशाला अभिमान वाटावे असे साहित्य , कला , सांस्कृतीक क्षेत्राचा विकास , दिग्गजांच्या स्मारकांचा प्रश्न, गृहागर – पंढरपूर ही कराड – विटा – आटपाडी मार्गे ची रेल्वे , बारामती – विजयपूर ( विजापूर ) आटपाडी मार्गे ची रेल्वे, इत्यादी तालुक्यातील अनेक महत्वपूर्ण मागण्यांना जयंतराव पाटील निश्चित न्याय मिळवून देवू शकतात.
तालुक्यातल्या हजार – दीड हजार बचत गटातल्या सुमारे १५ हजार महिलांना वेगवेगळ्या उद्योग धंद्यासाठी मदत करण्या बरोबरच लिज्जत पापड सारख्या मोठ्या युनिटची प्रत्येक पंचायत समिती गणात उभारणी होणे हजारो महिलांसाठी अत्यंत महत्वाचे ठरू शकते . आणि अशा साठीही जयंतरावांसारखे यशस्वी नेतृत्वच उपयोगी ठरू शकते . तालुक्यातल्या द्रारिद्रय रेषेखालच्या शेकडो कुटूंबांना इस्लामपूरच्या जयंत दारीद्रय निमुर्लन अभियानची आटपाडी येथे शाखा कार्यरत करून दारीद्र रेषेच्या बाहेर काढता येवू शकेल . आणि विविध शासकीय योजनांच्या माध्यमातून या सामान्यांचे जीवन फुलून जावू शकते .
ना . जयंतराव पाटील यांच्या मार्गदर्शना खालील इस्लामपूरच्या जयंत दरिद्रय अभियानातून आजअखेर ४८३९५ लोकांना ३९ कोटी ९१ लाख १३ हजार ५३५ रुपयांच्या सेवेचा लाभ मिळवून दिला गेला आहे . लोकनेते राजारामबापू पाटील यांचा आदर्श डोळ्यापुढे ठेवून गेली १५ वर्षे वाळवा तालुक्यात जयंत दारीद्र निर्मलन राबविले जात आहे . या अभियानाने हजारोंना मदतीचा हात दिला आहे . भांडवलापासून प्रशिक्षणापर्यत सर्व काही पुरवले जाते. लोकनेते राजारामबापूंनी दुष्काळी भागाला असेच हात देवून उभे केले . अंधार असणाऱ्या प्रत्येक घरात उजेड पोहचवला . दुबळ्या माणसांना बळ देवून शक्तीवान बनविले . कार्यकर्त्यांची फळी निर्माण केली . या पार्श्वभूमीवर आटपाडी तालुक्यात जयंत दारीद्रय निर्मूलन च्या शाखेच्या माध्यमातून दारीद्रय रेषेखालच्या शेकडों ना दारीद्र रेषेच्या वर आणण्यासाठी तसेच आटपाडी तालुक्याच्या चौफेर सर्वांगीण विकासासाठी ना .जयंतराव पाटील यांच्या सारखा मोठ्या दिलाचा माणूसच आटपाडी सह खानापूर, जत, कवठेमहंकाळ सारख्या उपेक्षित भागासाठी मसिहा ठरू शकतो असे सादिक खाटीक यांनी स्पष्ट केले .