भरारी ग्रुपचे जागतिक वसुंधरा दिनानिमित्त ” वृक्ष आमचे, पाणी तुमचे” अभियान

प्रगल्भनायक न्यूज नेटवर्क/पुणे:
       एक सामजिक बांधिलकी या नात्याने भरारी ग्रुपच्या वतीने जागतिक वसुंधरा दिनानिमित्त बावधन येथील टेकडीवर वृक्षारोपण करुन  ” वृक्ष आमचे, पाणी तुमचे” या अभिनव अभियानाची सुरुवात करण्यात आली.        कोरोना महामारीच्या काळात तुमचे-आमचे,सर्वांचेच काही जवळचे आप्तस्वकीय या कोरोना नावाच्या बकासुराने खाऊन घेतले आहेत.निसर्गाने आपल्याला मोफत दिलेल्या प्राणवायू  (ऑक्सीजन ) चे महत्त्व आजपर्यंत आपण दुर्लक्षित केले, परंतु आता याच ऑक्सीजनमुळे  देशातील अनेक रुग्णालयात कितीतरी जणांनी जगाचा निरोप घेतला आहे.ही आजची  वस्तुस्थिती आहे. देशभरात निसर्गाचा समतोल अबाधित ठेवण्यासाठी आपण आता सर्वांनी प्रामाणिक प्रयत्न नाही केले तर  काही वर्षानंतर आपल्या पाठीवर ऑक्सिजन सिलिंडर नको असेल तर झाडे लावा झाडे जगवा.अशीच परिस्थिती राहिली तर येणाऱ्या काही वर्षात आपल्याला घरात गॅस सिलेंडरनंतर ऑक्सिजन सिलिंडर विकत घ्यावी लागतील.        निसर्गाचा समतोल माणसाने  स्वार्थासाठी बिघडवून टाकला आहे. सर्रास झाडांची कत्तल केल्यामुळे निसर्ग ओसाड होत चालला आहे.एक झाड लावल्यानंतर ते मोठे व्हायला दहा वीस  वर्षाचा काळ जातो,पण तोडायला काही मिनिटे लागतात. त्यामुळे आपल्या आजूबाजूला होणारी झाडांची कत्तल थांबवा,  प्रत्येकाने दरवर्षी आपला वाढदिवस वृक्षलागवड करून साजरा करा अन्यथा विनाश अटळ आहे, हे चित्र वास्तव परिस्थितीवर अतिशय बोलके आहे.  यापुढे झाडांची कत्तल करणार नाही, होऊ देणार नाही आणि मी माझ्या वाढदिवसानिमित्त व इतर आनंदी दिनाचा उत्सव वृक्ष लागवड करुन व ती जोपासून करेल असा निश्चिय करणे गरजेचे बनले आहे.याच धर्तीवर जागतिक वसुंधरा दिनानिमित्त या  अभियानाअंतर्गत  सामाजिक वनीकरण विभागाच्या सहकार्याने शहरी व ग्रामीण भागातील कुटुंबांना विविध प्रकारचे  10 हजार वृक्ष मोफत दिली जाणार आहेत.मात्र  वृक्षाला पाणी घालुन ती जोपासण्याची जबाबदारी त्या कुटुंबाची असेल.ज्यांना ह्या अभिनव  अभियानात सहभागी व्हायचे आहे,त्यांनी   7385540712 / 9975839502 यावरती संपर्क करुन सहभाग नोंदवण्याचे आवाहन  भरारी ग्रुपचे संस्थापक अध्यक्ष व या अभियानाचे संयोजक सुभाष सातपुते यांनी केले आहे.भरारी ग्रुपच्या वतीने आज वृक्ष लागवड करुन व ती जोपासण्याची शपथ घेवुन ” वृक्ष आमचे , पाणी तुमचे ” या अभिनव अभिनयाची सुरुवात केली.