आंदोलनाच्या काळात केसेस झाल्यास मोफत लढणार – ॲड.धनंजय पाटील

मोहनराव पुजारी
प्रगल्भनायक न्यूज नेटवर्क/ आटपाडी:
महाराष्ट्र राज्यातील एसटी कर्मचाऱ्यांना राज्य सरकारमध्ये विलीनीकरण करून घ्यावे, याबाबत आटपाडी एसटी आगारातील कामगारांचे आंदोलन सुरू आहे.यास सरपंच सौ.वृषाली धनंजय पाटील व अखिल भारतीय सरपंच संघटनेचे कायदेविषयक सल्लागार ॲड. धनंजय पाटील यांनी भेट दिली व कोणत्याही कर्मचारी यांनी आत्महत्या करू नये, आंदोलन कायदेशीर मार्गाने करावे, असे यावेळी सांगितले. आमदार अनिलभाऊ बाबर यांच्यामार्फत आपण राज्यशासनाशी चर्चा करून मार्ग काढावा व प्रवाशांची गैरसोय टाळावी, असेही यावेळी ॲड. धनंजय पाटील यांनी आंदोलनकर्त्यांना सुचवले. तसेच सनदशीर आंदोलन सुरू असताना जर कर्मचाऱ्यांवर केसेस दाखल झाल्यास त्या विनामूल्य लढणार असल्याचेही त्यांनी यावेळी सांगितले. यावेळी ग्रामपंचायत सदस्य बाळासाहेब मेटकरी व प्रकाश मरगळे तसेच सर्व एसटी कर्मचारी उपस्थित होते.