पोलीस अधिकाऱ्याने मुलीचा वाढदिवस अनाथ बालिका आश्रमात केला साजरा

संजय हुलगे

प्रगल्भनायक न्यूज नेटवर्क/माळशिरस: 

गोरडवाडीतील सहायक पोलिस निरीक्षक सोमनाथ तुकाराम कर्णवर हे सध्या वाहतूक उपविभाग नारपोली,भिवंडी,ठाणे शहर याठिकाणी कार्यरत आहेत. त्यांनी सामाजिक काम करताना कोरोनामध्ये  फुटपाथवर  दूर राहणाऱ्या लोकांना जीवनावश्यक वस्तूंचे उपयोगी किट ,मास्क व सॅनिटायझरचे वाटप केले.त्यांची कन्या स्वरांजली हीचा ५ वा वाढदिवस सत्यभामा गजानन देव अनाथ बालिकाश्रम,आनगाव ता.भिवंडी जि. ठाणे या ठिकाणी साजरा करण्यात आला .  अनाथाश्रमात सर्व मुली असून वाढदिवसानिमित्त सर्वाना आवडीचे भोजन देऊन मास्क व सॅनिटायझरचे वाटप करण्यात आले. या कार्यक्रमास सामाजिक कार्यकर्ते तथा उद्योगपती रुपशिंगसेठ राजपुरोहित सह मान्यवर उपस्थित होते.