औसा /प्रतिनिधी:
औसा तालुक्यातील गुळखेडा या गावचे भूमिपुत्र असणारे शिक्षक अनिल सोनकांबळे व त्यांची पत्नी ग्रामसेविका पूनम घाडगे यांनी आपल्या मुलीच्या वाढदिवसानिमित्त वृक्षारोपण करत निसर्गसंवर्धन करण्याचे महत्व ओळखून वृक्ष लागवड करून एक चांगला संदेश दिला आहे. ते सध्या लातूरच्या विकासनगर परिसरात राहत असून त्यांनी समाजासमोर एक आदर्श घालून दिला आहे.
सोनकांबळे या दाम्पत्याने आपल्या प्रियल नामक मुलीचा द्वितीय वाढदिवस अनावश्यक खर्चाला फाटा देत त्यांनी अनेक चाफ्यांची झाडे लावून स्तुत्य उपक्रम केला. यावेळी शिवाजी कांबळे, खंडेराव बिडवे, फोर्स फिजिक्स अकादमीचे संचालक जयपाल, ग्रामसेवक जयभीम कांबळे,माजी पोलिस दशरथ घाडगे,मिलिंद सोनकांबळे,अमोल गवळी, प्रशांत रोडे, पल्लवी घाडगे, शासकीय रुग्नालयातील परिचारिका शीतल वाव्हळकर, शिक्षक नेते तथा मुख्याध्यापक विजयकुमार पिनाटे,किरण केवडे,सामाधान शेळके आणि बालाजी उपाडे आदींची उपस्थिती होती.
संबंधित बातम्या
प्रवीण बागड़े यांना माफसूचा उत्कृष्ट अधिकारी पुरस्कार प्रदान
कुसमोड येथील कैलास घोंगडे या शेतकऱ्याच्या गाईवर तरसाच्या हल्लयात गाईचा मृत्यू
येळावीत रक्तदान शिबिरास युवकांचा उत्स्फूर्त प्रतिसाद