आटपाडी तालुका वर्षांला एक हजार कोटीची वीज मिळवेल
प्रगल्भनायक न्यूज नेटवर्क
आटपाडी
सौर उर्जा, पवन उर्जा निर्मितीस अत्यंत अनुकुल असणाऱ्या आटपाडी तालुक्यातून प्रतिवर्षी १ हजार कोटी रुपयांची वीजनिर्मिती होवू शकेल. यासाठी तालुक्यात या सौर, पवन उर्जा निर्मिती प्रकल्पांची तातडीने उभारणी केली जावी . अशी मागणी राज्य शासन, विविध लोकप्रतिनिधींना पाठविलेल्या निवेदनाद्वारे आटपाडीचे सामाजीक कार्यकर्ते सादिक खाटीक यांनी केली आहे .
राज्यातील किमान शंभर तालुक्यात या प्रकल्पांच्या उभारणीतुन १ लाख कोटी रुपयांच्या वीज निर्मितीतुन राज्याला मोठा फायदा होवू शकतो . हा प्रयोग राज्यभर राबविला जावा . असे सादिक खाटीक यांनी म्हंटले आहे .
राजस्थानच्या जैसलमेर शहराच्या समांतर आटपाडी तालुक्याच्या उष्णतेची त्रिव्रता लक्षात घेता सौर उर्जा प्रकल्प आणि तालुक्याच्या डोंगर रांगावर वेगाने वाहणाऱ्या वाऱ्यासाठी पवनऊर्जा प्रकल्पाची निर्मिती झाली पाहीजे .
शासकीय, गायरानाच्या जमिनी, देवस्थान इनाम वर्गच्या जमिनी, वनविभाग आणि कुरणांच्या क्षेत्राखालील जमिनी, प्रचंड डोंगररांगा, गावोगावचे ओढे, ओघळी, ताली, यांच्यातून उपलब्ध होणाऱ्या असंख्य किलोमीटरच्या आणि मोठ्या रुंदीच्या जमिनी, गाव तलाव, पाझर तलाव, सिमेंट बंधारे, मोठे तलावांच्या पाणलोट क्षेत्रातील आणि कालव्यांच्यावरील अस्तरीकरणातून आणि इतर सर्व बाबीतून उपलब्ध होणाऱ्या अंदाजे दीड लाख एकर पैकी अंदाजे ५० हजार एकर जमिनीवर सौर उर्जा, पवन उर्जा निर्मितीचे प्रकल्प साकारल्यास प्रतिवर्षी किमान १ हजार कोटी रुपयाची वीज निर्मिती होवू शकेल . याशिवाय हजारो पवनचक्क्यातून निर्माण होणाऱ्या शेकडो कोटी रुपयांच्या वीज निर्मितीच्या माध्यमातून दुष्काळी, उपेक्षित, वंचित, मागास आटपाडी तालुक्याचा सर्वांगीण व चौफेर विकास करणे शक्य होईल .
साधारणतः ३५ एकरावर अति अत्याधुनिक विकसीत तंत्रज्ञानाच्या सौर उर्जा प्रकल्पातून १० ते १२ लाख युनिट अर्थात १ मेगावॅट वीजनिर्मिती होवू शकते. या वीज निर्मितीतून ८० लाख रुपयाचे उत्पन्न मिळू शकते . असे सौर उर्जेच्या गृहीतकाचे शास्त्र सांगते . त्यानूसार आटपाडी तालुक्यातील ५५ हजार हेक्टर अर्थात १ लाख ३७ हजार ५०० एकर पिकाखालील जमीन सोडली तर पिकावू नसलेल्या उर्वरीत उंदाजे दीड लाख एकर पैकी सुरवातीला ५० हजार एकर एरीयात सौर आणि पवन उर्जेचे प्रकल्प उभारले गेले पाहिजेत.
संबंधित बातम्या
वसंतराव काळे प्रशालेच्या मुलींच्या खो-खो संघाला तिहेरी मुकुट
*ज्येष्ठांचा सन्मान घोषणामध्ये नव्हे, जगण्यात दिसायला हवा !सादिक खाटीक
१ ऑक्टोबरला !आमदारांच्या दारात “पिठलं -भाकरी ठिय्या आंदोलन!”सादिक खाटीक यांची माहिती