अन्न व्यवसायिकांनी जुना खराब माल विक्री न करता नष्ट करावा अन्यथा कारवाई:सहायक आयुक्त (अन्न) सु.आ.चौगुले
अन्न उत्पादकांना वार्षिक,सहामाही परतावे सादर करण्यासाठी 30 जून पर्यंत मुदतवाढ
प्रगल्भनायक न्यूज नेटवर्क/सांगली:
लॉकडाऊननंतर दिनांक 1 जूनपासून काही अटींवर दुकाने उघडण्यास शासनाने मुभा दिली आहे, परंतु सर्व अन्न व्यवसायिकांनी त्यांच्याकडे जुना खराब माल असल्यास तो ग्राहकांना विक्री न करता नष्ट करावा. जुना व खराब माल विक्री करीत असल्याचे आढळल्यास कारवाई करण्यात येईल, असे सहायक आयुक्त (अन्न) सु. आ. चौगुले यांनी प्रसिध्दीपत्रकाव्दारे कळविले आहे.अन्न उत्पादकांनी सन 2020-21 या वर्षाचा वार्षिक, सहामाही परतावा डी-१, डी-२ हा FosCos प्रणालीमध्ये ऑनलाईन पध्दतीने सादर करणे आवश्यक आहे. कायद्यातील तुरतुदीप्रमाणे वार्षिक/सहामाही परतावे हे त्या वर्षाच्या 31 मे पर्यंत सादर करणे आवश्यक असते. तथापि कोविड-19 च्या प्रादुर्भावामुळे परतावे सादर करण्यासाठी 30 जून 2021 पर्यंत मुदत वाढविण्यात आली आहे. याबाबतचे परिपत्रक FosCos च्या साईटवर उपलब्ध आहे. यापूर्वी मेल वर किंवा प्रत्यक्ष कार्यालयात ज्या आस्थापनांनी डी-1, डी-2 सादर केला आहे, त्यांनी सुध्दा पुन्हा FosCos प्रणालीमध्ये ऑनलाईन सादर करणे आवश्यक आहे. मुदतीनंतर प्राप्त होणाऱ्या परताव्याला दंड भरावा लागणार असल्याचे श्री. चौगुले यांनी स्पष्ट केले आहे.
संबंधित बातम्या
औषध विक्री दुकानांत सीसीटीव्ही बसवण्याचे आवाहन
सांगली जिल्ह्याच्या विकासासाठी वाढीव निधी देऊ – उपमुख्यमंत्री अजित पवार
दहिवडी न्यायालयाच्या वतीने राष्ट्रीय लोकअदालतीचे यशस्वी आयोजन